Plantun de Prouvènço

Pèr coumpara dos planto d'encò nostre

Bupleurum petraeum & Lotus corniculatus subsp. alpinus

Bupleurum petraeum

Apiaceae Umbelliferae

Noms en français : Buplèvre des pierriers, Buplèvre des rochers.

Descripcioun :
Aquéu buplèvre trachis en mato sus li pendis roucaious e cauquié de mountagno. Li fueio estrecho, que sèmblo aquéli di graminèio, parton touto de la baso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 700 à 2200 m
Aparado : Noun
Jun à juliet

Liò : Esboudèu - Roucas - Baus - Tepiero roucaiouso
Estànci : Mountagnard à Aupen
Couroulougi : Ouroufito-Aupenco
Ref. sc. : Bupleurum petraeum L., 1753

Embriago-cabro

Lotus corniculatus subsp. alpinus

Fabaceae Leguminosae

Àutri noum : Galassoun, Pèd-d'aucèu, Jauneto, Cap-rous, Lentiholo.

Noms en français : Lotier des Alpes, Lotier corniculé.

Descripcioun :
Aquelo meno d'embriago-cabro, subsp. alpinus, trachis dins li pelouso d'auto mountagno. Coume tóuti li Lotus se recounèis à si fueio di tres fuioun large groupa e si dos estipulo sus lou coustat. Èi mai pichoto emé de flour pu grosso que lou tipe corniculatus, coumun en plano, e souvènt rouginasso.

Usanço :
Li jóuini brout soun manja en Bousnìo (F. Couplan, op.cit. p. 215), pamens li flour caupon d'acide cianidri. La planto èi marrido pèr li bèsti que douno lou lourdige, embriago (embriago-cabro), coume l'avien vist nòstis àvi. A de prouprieta sedativo e antispasmoudico (contro li mau de nèrvi).